Prekinut niz Partizana

ISTANBUL – Košarkaši Partizana nisu uspjeli da ostvare sedmu uzastopnu pobjedu u Evroligi.

Izabranici Đoana Penjaroje u 36. kolu kao gosti su u Istanbulu poraženi od Anadolu Efesa poslije produžetka sa sa 72:79 (13:15, 23:9, 14:19, 15:22, 7:14).

U prvih deset minuta najveću prednost imao je domaćin, kada je vodio sa 15:10, ali su ipak na mini-pauzu otišli sa dva poena viška, 15:13.

Vodila je četa iz Istanbula na početku druge četvrtine. Imala je prednost od 20:15 i onda jednostavno stal. Igrači Partizana zaigrali su znatno bolje i u nastavku drugog perioda su napravili seriju od 21:4 i tako na poluvrijeme otišli sa 12 poena viška, 36:24.

Imao je Partizan na početku trećeg perioda i 13 poena viška, ali se odan prednost počela topiti i na isteku 30. minuta Beograđani su vodili sa 50:43.

U prvih pet minuta posljednje dionice na terenu je postojao samo jedan tim, Anadolu Efes, koji je serijom od 13:5, došao u vođstvo od 56:55. Poveo je potom Partizan sa 60:56, pa domaćin sa 62:60 i 65:63, ali se na kraju ipak otišlo u produžetak, 65:65.

Kod Anadolu Efesa Džordan Lojd je postigao 24 koša uz dva skoka, a Vinsent Poire 17 poena, uz osam skokova i tri asistencije, a Kod Partizana Šejk Milton je postigao 12 poena, uz dvije asistencije, a Sterling Braun i Karlik Džons po 11.

Pratite nas na našoj Facebook i Instagram stranici i X nalogu.